استبيان: تكنولوجيا المعلومات و ارتباطها بتدريس الرياضيات؟

اننى ارى انها مكمله وليست أساس للتعليم
والدليل على ذلك ان اول شئ نقوم به عند التفكير فى حل مسألة هو أستخدام ورقة و قلم و ليس التكنولوجيا
وأحب أعرف رأى الاخرين

انا متفق مع الاخ mathawy

يا جماعة إزاي يعني تحل التكنولوجيا مكان المدرس او الكتب طاب انا عرفت حاجة على النت مش فاهم معناها اسأل مين ........النت هههههه
طبعاً لا غنى عن التكنولوجيا و لكن هي في المقام الثاني و ليس الأول و لا تنسو إن إحنا " المدرسين و العلماء و الدكاترة " هم من إبتدعو التكنولوجيا من الكتب و من العقل البشري فلابد من نحمد الله على هذة النعمة .....مش نستبدلها .........moha4math

دايما ارائك تحفه يا كريم

والله يا جماعه كل الأرأ الي اتكتبت هنا جميله ورائعه
ولكن في جمله انا عايز اعقب عليها

العيب مش فى الكتاب العيب فى اللى كتبوا الكتاب

انا معترذ معاك يا شادي هنا
العيب فينا احنا لاننا احنا الي بنتفاعل مع الاولاد واحنا الي بنجزبهم وفي الاول او الاحر ده سوأ توجيه مننا احنا وخطأ لازم كلنا نتحمله

galeluo كتب:العيب فينا احنا لاننا احنا الي بنتفاعل مع الاولاد واحنا الي بنجزبهم وفي الاول او الاحر ده سوأ توجيه مننا احنا وخطأ لازم كلنا نتحمله

والله الكلام ده مظبوط و انا شفت ده و إتعاملت معاه في أول ترم أنزله للمدارس إن كلمتنا لها تأثير على الطلبة و تأثير جامد لدرجة إن قلت لواحد 10-10 لا تساوي صفر صدقني بس إحنا عاوزين نرجع حب الطلبة للدراسة بشكل عام و الرياضة بشكل خاص

موضوع جميل جدا
لا وعرض الاراء كان اجمل واجمل
انا فعلا متفق مع جاليليو وموحا
لانى كنت طالب فى يوم من الايام
وشوفت ازاى كان تاثير الاساتذه على التلاميذ
كان اقوى من تاثير السحر
يعنى مثلا فى مرحاة الابتدائيه
وهى ديه اجمل مرحاه بيملر بيها الطالب
الاساتذه بيكونوا محترمين ومسالمين
فنجد ان الطلاب بتوع ابتدائى اغلبهم هاديين ومؤدبين
فى مرحله الاعداديه الاساتذه بيلجأوا الى الشتيمه والضرب للسيطره على التلاميذ
فنجد ان الطلاب فى هذه المرحله اغلبهم بيستخدموا الضرب والشتيمه فى التعامل مع بعضيهم
فى مرحله الثانويه بتبدا مرحلة الرجوله
فنلاقى ان الطالب بيقلد استاذه فى كل حاجه
فلما يكون الاستاذ بيشرب سجاير
نلاقى مجموعه الطلاب المحبين لهذا الاستاذ بيشربوا سجاير...وهكذا
فياريت تحاولوا يا اساتذه المستقبل انكم تغيروا من افعالكم السيئه وتلتزموا بافعالكم الحسنه
ولو حتى فقط امام الطلاب

هي المشكله كلها مش مشكله كتاب ومنهج واستراتيجية تدريس هي اكبر من كل ده
انت عليك حد بيقولك لا تمشي كده زي ما انا بقولك رايه غلط والولاد مش هيفهمو كده مجبر انك تعمل كده في وجوده طب بعد وجوده ماهي المعلومه الاولي هي الاساس
وحاجات كتير .............................