نكت جامده جداااااااااااااا

• ثلاثة صعايدة حبوا يعملوا فريق سموه المغامرين الخمسة
• مهندس كهرباء شاف سلك عريان اتكسف منه
• ترزى مشى فى حتة مقطوعة راح مخيطها
• واحد شك فى مراته قالت اى
• واحد واقف على الكوبرى عمال يقول 33 .33 . 33 ,,, واحد قاله ايه حكاية 33 دى
قاله بص كدة من على من على الكوبرى راح قالبه فى الميه 34 .. 34 .. 34
• دكتور دخل يتفقد حالات المرضى فى مستشفى المجانين لاقى المجانين عمالين يقولوا عن عن عن
لاقى واحد قاعد لوحده قاله مالك قاعد ليه قاله دول مجانين فاكرين نفسهم راكبين موتسكلات
فاله مانت عاقل اهو قاله اه والله راح الدكتور قاله يلا اخرجك قاله طب اركب ورايا عن عن عن
• سألوا دكتورة اسنان انتى اتجوزتى قالتلهم لثة
• دكتور اسنان اشترى عود قصب لاقاه مسوس حشاه ومصه
• المدرس: يلا يا ولاد النهاردة املاء ... اكتبوا ورايا
ذهب حسام الى الاسكندريه يوم الاربعاء
طالب: لو سمحت يا مستر الاربعاء همزة على الالف ولا على السطر
المدرس: خلاص يابنى خليها الخميس
• راجل وابنه عندهم مرض الكسل قاعدين بيتغدوا ...جرس الباب ضرب
الاب: قوم افتح الباب لامك
الابن: ماتقوم افتحلها انت ماهى مراتك
الاب: هى طالق .... قوم افتحلها بقى

ــ واحد رمى اليمين على مراته ماجاش فيها

ــ واد صغير بيقول للمدرسة انا بحبك يا ابلة وعاوز اتجوزك قالتله بس انا مش بحب الاولاد الصغيرين
قالها انا مش مستعجل على الاولاد الصغيرين

ــ تلاته تايهين فى الصحراء هايموتوا من الجوع .... واخيرا لقوا خاتم سليمان
ــ الاول طلب من العفريت يروح بلده قبل ما يموت
ــ والتانى طلب من العفريت يروح بلده قبل ما يموت
ــ التالت قال للعفريت ..... يادى النيله هو انا هاموت فى الصحراء دى لوحدى هاتهملى تانى

ــ اتنين محكوم عليهم بالاعدام فسألوا الاول نفسك فى ايه قبل ما تموت
قاللهم نفسى اشوف امى
سألوا التانى( كان رخم اوى ) قاللهم نفسى ما يشوفش امه

ــ واد صغير واقف على السلم وراجل كبير طالع على السلم
الولد: لو سمحت يا عمو اضربلى الجرس ( فضربله الجرس )
الراجل: عاوز حاجة تانى يا حبيبى
الولد: اه يلا نجرى

ــ مدرسة بتقول للتلميذ : عد من واحد الى عشرة واديلك بوسة
قاللها اعد من واحد الى خمسين ونقضى السهرة برة

ــ اتنين مسطولين ماشيين لقوا بيضة كبيرة اوى
المسطول الاول : تراهنى ان دى بيضة نعامة
المسطول التانى: لا دى بيضة فيل
مسكوا فى بعض قالوا نشهد كبير المساطيل
كبير المساطيل: انتوا لاقيتوا البيضة دى فين
قالوله على شريط القطر
قاللهم تبقى بيضة قطر

ــ المدرس:يعيش السمك فى الماء
الطلاب: يعيش يعيش يعيش

ــ المدرس: انت طالب غبى جدا ماتجيش بكرا الا وانت معاك ولى امرك
جاب ابوه
الاب: ليه يا استاذ بتتطرد ابنى
المدرس : ابنك غبى جدا,, مش عارف جايب الغباوة دى منين
ابوه: حرام عليك ابنى مش غبى
المدرس: هاثبتلك انه غبى ,,, انزل يابنى شوف ابوك ده فى الحوش ولا لا
الواد رجع وقالله مالقيتهوش يا مستر
ابوه ــ محتدا ــ : كسفتنا !!! مالقيتنيش فى الحوش دور عليا عند الناظر او فى اوضة المدرسين

ــ واحد قعد على قهوة هدومه اتبقعت

ــ 4 صعايدة دخلوا قهوة بصوا فى المراية طلبوا 8 شاى




--------------------
ياريت تقولولى رأيكم فى النكت ديه

نكت جامدة يا ميدو مشكورين على لمشاركة الفعالة